注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Hi,I'm Lisa!

x Shadow.【Push yourself! Dont stop!!】

 
 
 

日志

 
 

你信唔信世界末日!?  

2009-07-15 23:54:37|  分类: Want 2 say |  标签: |举报 |字号 订阅

  下载LOFTER 我的照片书  |

 

 

我信!

我深信不疑!!

我比相信任何嘢都更加相信世界末日!!!

 

 

書籍及聽講,都話五月二號呢一日出世既人,都系特別沉迷于研究人類史及人性,

有可能真系呢個原因,

反正同我熟既人都知,我就系好迷戀任何人類、世界、宇宙、外星相關既所有嘢!

 

 

五十年前,一個有預測未來能力既小女孩,距系天生既先知,

喺校慶日而舉行既埋藏時間囊既活動裏面,老師叫大家畫低自己所想像既五十年後既世界,

所有小朋友都畫各種飛機大炮機械人等等,而呢個女仔張紙,就密密麻麻咁寫低一堆數字。

 

 

五十年後既今日,尼古拉斯基治個仔就系讀呢間學校,

校慶呢日,校方要挖起時間囊,

而當年個先知小女孩既班主任,就將先知寫既果張紙,俾咗尼古拉斯基治個仔。

 

 

一切看似巧合,但其實都系註定,因為尼古拉斯基治個仔,系註定被選中既人。

 

 

後來尼古拉斯基治解讀咗,原來呢D數字,系所有未來地球上所發生既災難預測。

數字意思包括地點(透過經緯度數字嚟表明地理座標),日期以及災難死亡人數。

 

 

你有冇諗過,如果你系先知,會系咩感受?

我只能想像,系好痛苦。

所有人都唔知下一秒會發生乜嘢事,所以能夠順其自然地生活,

而你卻清楚曬將來會有乜嘢事、乜嘢災難,但卻根本無能為力,亦明知冇可能改變,

除咗心痛及恐懼,仲會有乜嘢感受。

 

 

尼古拉斯基治上網核對,所有數字所預言既嘢,的確系完全按時間順序發生既全球性災難。

而呢幾日,尼古拉斯基治亦親身經歷咗兩場數字上所預言既災難,飛機墜毀以及地鐵脫軌。

而呢兩場災難,亦系電影裡面最壯觀逼真既兩場動作及特技鏡頭。

而張紙既最後一串數字,尼古拉斯基治只解讀到日期,冇其他嘢。

 

 

後來慢慢發現,原來最後一個預言系冇正確既死亡人數,只系寫住“EE”,

EE所指既,系Everyone Else,即系所有其他人,

所以冇確實既死亡人數,因為系所有人!

但又冇寫明地點,原來系因為,呢次既災難地點,就系地球!

 

 

以前同黃霆探討既時候,我講過:

我冇辦法用專業及正確既天文地理學或者化學物理用詞嚟形容,

但反正就系可能氣候問題,海水上升淹沒地球,

又或者系隕石撞地球最後火海吞噬地球,等等。

 

 

而到接近尾聲,原來呢部電影所描述既世界末日,同我所想像既,區別唔大。

 

 

原來世界末日,系會同金牛座有關噶!

 

 

太陽所爆發出嚟既熱能,蔓延至地球,

所散發出嚟既熱量,將殺死所有生物!

 

 

特別既系,原來上天會選中某部份人,距地應該會系下一個人類時代既先知,

世界末日前,上天會派輕語者守護住,最後會接走呢D被選擇咗既人走。

一直都有詭異既黑衣人喺尼古拉斯基治既生活裡神出鬼沒,以為系壞人,

但原來距地系輕語者,嚟守護距個仔,最後接走距。

冇錯,距個仔系先知,將系下一個人類時代既先知,我諗。

喺接近尾聲時,距個仔同五十年前既先知一樣,失控系咁狂寫一堆數字。

 

 

放心,到時科學家及有關部門其實系會提早知道邊日、幾點系世界末日,

不過,政府系唔會咁早話俾我地知,

就如,睇新聞都會有假嘢,災難死傷人數及軍事等相關既嘢都唔會實報,

更何況系世界末日咁大鍋!

 

 

一直以嚟,尤其是近十年八年,相信大家都睇唔少關於世界末日既電影,

但呢部呢,就真系好正,編劇好好,拍攝好好,劇情亦非常與真實貼近!

雖然而家先七月,但我好sure,呢部一定將會系我今年最愛既電影之一!

 

 

但系咁哦,系相信世界末日既人睇,就一定覺得好正好正,

如果唔系,我諗呢部電影只能夠令你欣賞尼古拉斯基治既精湛演技同部份CG特技了。

 

 

講翻我地既真實生活,距離而家最近既末日預言,系20121221號,

唔好話系瑪雅人既迷信預言,而且仲有好多科學預測都話呢一年有大災難,

具體唔洗我講啦,身為人類,大家都應該唔多唔少知道D吧。

咁大家要記住啦,到時政府大概會提前一晚先公佈官方消息,

當然,意料中事就系消息公佈後唔洗一分鐘之內,就會即刻引爆全球恐慌,

政府可能會同我地講,儘量去地下庇護所或深淵既地下室,

因為咁樣做希望有可能系地下以躲避太陽散發出嚟既熱能,

但其實,到時呢種熱能既輻射系會滲透到地下一英里咁深,

所以,其實根本就冇得避!

 

 

對於世界末日,我一直打從心底裡面覺得以及相信,呢一切,都系應該要發生的!

但我覺得最慘既,系動物,因為而家未到世界末日,動物已經承受緊人類既惡果,

而人類所犯下既錯,最終要連累埋無辜既動物嚟一同承擔最終既責任!

 

 

人類太複雜了,

地球太骯髒了,

無論系唔系2012年,但總有一日,地球都要被徹底摧毀再重新淨化的!

 

 

電影【先知】觀後感及SD個人理解。

20090712

 

 

  评论这张
 
阅读(335)| 评论(9)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017